Lucretius - De rerum natura: Libri Sex

Lucretius, De rerum natura: Libri Sex, 1566

None
Concordance
Thumbnails

List of thumbnails

1	2
3	4
5	6
7	8
9	10

T. LUCRETI CARI

DE RERUM NATURA

Aeneadum genetrix, hominum, diuumque voluptas;
Alma Venus, caeli subter labentia signa,
Quae mare navigerum, quae terras frugiferenti
Concelebras, per te quoniam genus omne animantum
Concipitur visitque exortum lumina solis;
Te, dea, te fugiunt venti, te nubila caeli,
Adventumque tuum; tibi suavis daedala tellus
Summittit flores; tibi rident aequora ponti,
Placatumque nitet diffuso lumine caelum.
Nam simul et species patefactast verna diei;
Et reserata viget genitabilis aura favoni;
Aeriae primum volucres te, diva, tuumque
Significant initum perculsae corda tua vi;
Inde ferae pecudes persultant pabula laeta;
Et rapidos tranant amnis: ita capta lepore,
Te sequitur cupidè quo quamque inducere pergis,
Denique per maria, et montis, fluviosque rapacis
Frondiferasque domos avium, camposque virentis
Omnibus incutiens blandum per pectora amorem,
Efficis ita cupide generatim saecla propagent
Quae quoniam rerum naturam sola gubernas;
Nec sine te quicquam dias in luminis oras
Exoritur neque fit laetum neque amabile quidquam:
Te sociam studeo scribendis versibus esse,

Text layer

Text normalization

Search