Lucretius - De rerum natura: Libri Sex (Vol. I, Text)

Lucretius, De rerum natura: Libri Sex (Vol. I, Text), 1893

None
Concordance
Thumbnails

List of thumbnails

1	2
3	4
5	6
7	8
9	10

Nunc age, res quoniam docui non posse creari
de nilo neque item genitas ab nil revocari,
nequa forte tamen coeptes diffidere dictis,
quem nequeunt oculis rerum primordia cerni,
accipe praeterea quae corpora tute necessest
confiteare esse in rebus nec posse videri.
principio venti vis verberat incita portus
ingentisque ruit navis et nubila differt,
interdum rapido percurrens turbine campos
arboribus magnis sternit montisque supremos
silvifragis vexat flabris: ita perfurit acri
cum fremitu saevitque minaci murmure ventus.
est igitur venti nimirum corpora caeca
quae mare, quae terras, quae denique nubila caeli
verrunt et subito vexantia turbine raptant,
nec ratione fluunt alia stragemque propagant
et cum mollis aquae fertur natura repente
flumine abundanti, quae largis imbribus auget
montibus eg altis magnus decursus aquai
fragmina coniciens silvarum arbustaque tota,
nec validi possunt pontes venientis aquai
vim subitam tolerare: ita magno turbidus imbri
molibus incurrit validis cum viribus amnis:
dat sonitu magno stragem volvitque sub undis
grandia saxa: ruit qua quicquid fluctibus obstat.
sic igitur debent venti quoque flamina ferri,
quae veluti validum eum flumen procubuere
quamlibet in partem, trudunt res ante ruuntque
impetibus crebris, interdum vertice torto
corripiunt rapideque rotanti turbine portant.
quare etiam atque etiam est venti corpora caeca,

Text layer

Text normalization

Search