Gassendi, Pierre - De proportione qua gravia decidentia accelerantur

Gassendi, Pierre, De proportione qua gravia decidentia accelerantur, 1646

None
Concordance
Figures
Thumbnails

List of thumbnails

< >

1	2
3	4
5	6
7	8
9	10

< >

temporis vnum, in fine duorum quatuor; in fine trium nouem;
in fine quatuor ſexdecim, &c. Quæ omnia liceat repræſentare
in maiuſculo quodam Triangulo, cuius lateribus, et baſi in par-
teis æqualeis diuiſis, interductiſque lineis aream diſpeſcentibus
in minores, mutuò æqualeis, ſimileiſque triangulos, partes
vtriuſvis lateris (incipiendo ab apice) habeantur pro tempori-
bus; baſes triangulorum ipſis respondentium pro gradibus ce-
leritatis; & intercepta triangula, ipſorumve areæ pro spatiis.
Vide & totius Epiſtolæ ſiue Diſſertationis ſeriem. A p. 3. in 9.

ART. VI. VII. VIII. De Motus æquabiliter
accelerati definitione.

Definit Galileus Motum æquabiliter acceleratum (qua-
lis grauibus decidentibus competit) illum, qui à quiete rece-
dens, temporibus æqualibus æqualia celeritatis mo-
menta acquirit. Jd autem improbans R. P. contendit po-
tiùs definiendum cum vulgari ſententia illum, qui æquali-
bus ſpatiis æqualia celeritatis augmenta acquirit. Quan-
quam eg Galilei definitione præclarè intelligitur accelerationis
æquabilitas: prout increſcens celeritas ſe habet vt linea inter
latera memorati triangulo ab apice vſque in baſim increſcens
& hæc linea ideò increſcit æquabiliter, quòd ſecundum parteis
laterum æqualeis (per quas dictum eſt repræſentari tempora)
additamenta continuò æqualia acquirat. Ex definitione au-
tem R. Patri probata, nihil tale potest intelligi: cùm nulla
facta temporis mentione, & ſumptis partibus lateris triangulo
pro spatiis, & interceptis triangulis pro celeritatis gradibus,
conſtet, ſi totidem ſemper addantur triangula, quot lateris par-
tes, creatum iri triangulum totalem, cuius area inæquabiliſ-
ſimè ab apice in baſim increſcat. A p. 9. in 14.

Text layer

Text normalization

Search