Borelli, Giovanni Alfonso - De motionibus naturalibus a gravitate pendentibus

Borelli, Giovanni Alfonso, De motionibus naturalibus a gravitate pendentibus, 1670

None
Concordance
Figures
Thumbnails

List of thumbnails

< >

21	22
23	24
25	26
27	28
29	30

< >

mò, & per ſe naturam agere proptèr bonum, & prop-
tèr finem, generationemque, & proindè præcedens
corruptio erit veluti quædam conditio ſine qua ſub-
ſequens forma introduci, ac generari non poteſt; fa-
tentur ergo, quòd ſaltèm per accidens, natura actio-
nes violentas exercet, ſed ea omnia quæ à naturą
operantur, vocantur naturales actiones, igitur violen-
tia illa accidentalis, qua forma præcedens deſtrui-
tur, erit quoque vera actio, & operatio naturalis, quan-
doquidem, ex vulgato axiomate, qui vult finem, velit
quoque neceſsè eſt media illa, quæ ad finem condu-
cunt, igitur naturalis inſtinctus, quo formæ genera-
tio quęritur, conſequiturquè, neceſſariò inuoluit vio-
lentiam, ſaltem vt medium neceſſarium requiſitum.
Hinc deducere licèt non eſſe abſurdum, nec indecens,
quòd natura violentiam aliquam exerceat, vt ea me-
diante alia maior ab una conſequatur. Si hoc, inquam,
verum eſt in alterationibus, & corruptionibus, mul-
tò magis hoc verificabitur in alijs ſuauioribus natu-
ræ actionibus, quando corpora naturalia ad ſua loca
perducuntur propter bonum, & commoditatem eo-
rumdem corporum violenter agitatorum, non ſecùs,
ac ſi quis curru, vel lectica è foro domum veheretur
ineptè quidem de coactione, & violentia quereretur,
cùm eiuſmodi violentia vtilitatem iucunditatemque
ei afferret. Eodem penè modo à grauibus naturaliter
deſcendentibus perducerentur leuia ad debitum̨
ſitum.

Text layer

Text normalization

Search