Ufano, Diego - Artillerie, ou vraye instrvction de l' artillerie et de ses appartenances : contenant une declaration de tout ce qui est de l' office du General d' icelle, tant en un siege qu' en un lieu assiegé; Item des batteries, contre-batteries, ponts, mines & galleries, & de toutes fortes de machines requises au train

208102Troiſiéme Traicté

CHAP. III.

Comment il faut faire les chargeoirs pour toutes
ſortes de pieces.

C’Eſt choſe commode & vtile, que le canonnier ſçache promptement traçer & tailler
les chargeoirs, tant pour les faire luy-meſme quand il ſera de beſoing, ou en mon-
ſtrer la façon à d’autres, que pour les ſçauoir bien choiſir en l’arſenac. Car comme il
y a du danger quand on prend vn boulet pour l’autre, ce qui aduient facilement, s’il ne
ſont bien calibrez: ainſi eſt-il non ſeulement mal ſeant, mais auſſi dangereux, ſi on ſe vou-
loit ſeruir d’vn chargeoir impropre, qui eſtant ou trop grand n’entreroit en la piece, ou y
mettroit trop de poudre, ou trop petit n’en tiendroit aſſez: de ſorte que de l’vne ou de
l’autre part, il y auroit vne lourde faute. C’eſt pourquoy ie donne ce conſeil à tout canon-
nier, d’eſtre non ſeulement vigilant en cet endroit, pour ne tomber en telle faute, mais
auſſi induſtrieux pour les apprendre à tailler & preparer luy-meſme, comme auſſi ie luy en
donneray l’inſtruction requiſe.

Pour le cannon renforcé le chargeoir, pour charger la poudre en deuxfois, aura deux:
& demy-boulets en longueur, iuſques aux oreilles qui enuironnent le bouton, leſquelles
auront vn diametre auſſi en longueur, qui paſſe par deſſus ledit baſton. La lame de cuiure
aura deux calibres en largeur, iuſques aux oreilles, qui auront de chaque coſté demy cali-
bre dauantage pour enuironneriuſtement le dit bouton.

Le bouton ſera long de 1 {1/3} de calibre, & detelle eſpoiſſeur, qu’eſtant ainſi reueſtu de la
lame du chargeoir, il occuppe le vent du boulet. Pour les eſcouuillons, ce bouton ſera fait
d’vn bois doux, en longueur de 1 {2/3} de calibre, & non plus de {2/3} d’eſpoiſſeur, le reſte eſtant
reueſtu & accomply de la peau auec ſa laine, qui y doit auſſi eſtre attachée de petits cloux
de cuiure.

Le bouton du refouloir ſe fera de bois dur, en longueur de 1 {1/3} de calibre, fait au tour, en
telle groſſeur qu’il puiſſe entrer en la piece ſans le vent du boulet, ayant quelques cercles
en derriere, non pas élenez, mais abaiſſez, eſquels il eſt lié d’vn fort fil de cuiure, afin qu’il
ne ſe creue de la force des coups donnez ſur la poudre. Tous ces boutons ſeront barenez
par derriere de {2/3} de calibre, pour y mettre la perche, qui auſſi doit eſtre de bon bois, &
droite, eſpoiſſe d’vn doigt & demy pour le moins, & de longueur telle qu’elle ſurpaſſe la
piece pour le moins d’vn pied.

Pour le canon commun le chargeoir aura bien la meſme largeur, mais de profondeur
ou longueur non plus que 2 {1/4} de calibre: Et l’amoindrie 2. calibres, pour y mettre la pou-
dre en deux fois: toutes ſelon la ſorme, longueur & largeur monſtrée en la figure 20. α
auec la maniere de les attacher & affermir en leurs perches. On y voit auſſi la forme tant
des boutons que des eſcouuillons & refouloirs, de ſorte que le canonnier diſcret n’aura
que faire de plus ample inſtruction.

I’y ay auſsi mis la traçe du demy canon, qui ſe fait en meſmemeſure & proportion que
les ſuſdits, toutesfois ſelon ſon propre calibre.

Quant aux quarts qu’on y voit auſsi formez, ilsont auſsi la meſme largeur, ſelon leur
calibre: mais eſtans ſi riches en metaux qu’ils peuuent endurer plus de poudre que
le canon & le demy: en leur proportion, on en fait des chargeoirs autant plus

Table of contents

Text layer

Text normalization

Search