Huygens, Christiaan - Christiani Hugenii opera varia; Bd. 1: Opera mechanica

TEmporis dimetiendi rationem novam, quam
exeunte Anno 1656. excogitavimus, pauciſque
deinde menſibus in patria divulgare inſtituimus,
etſi dubitandum non erat, propter egregiam uti-
litatem, brevi longe lateque manaturam, quip-
pe pluribus jam distractis, ac dimiſſis quaqua-
verſum novi operis exemplaribus; nos tamen haud in-
viti conſiliis eorum obtemperamus, qui ut ſcripto compre-
henſam in lucem ederemus, autores fuere. cum ut illos de-
mereamur, ad quos, ob locorum intervalla, tardius fortaſſe
perventura erat: tum ut male feriatorum hominum audaciæ
obviam eamus, ne, quod ſolenne ipſis eſt, alienis inſidien-
tur inventis, ac per ſummam injuriam pro ſuis venditent.
Quanquam hos, ſi fuerit opus, & dati Privilegii tempus
refellere poſſit, quod à Celſiſſimis Fœderatarum Provincia-
rum Ordinibus die 16. Junii Anno 1657. impetratum eſt; &
teſtes præterea non pauci, quos de oblato nobis recens in-
vento ſubinde certiores fecimus. Occaſionem ei præbuiſſe
Aſtronomorum pendula, facile quivis conjiciet, qui non
neſcierit aliquot jam retro annis hæc uſurpari illis cœpta.

Table of Notes

Text layer

Text normalization

Search