Gravesande, Willem Jacob 's - Physices elementa mathematica, experimentis confirmata sive introductio ad philosophiam Newtonianam; Tom. 1

Parva quidem datur gravitatis differentia in regionibus di-
verſis, de qua agemus in cap. 17. libri IV, nimis tamen
eſt exigua ut hìc conſideretur, præcipue cum in regionibus,
quæ inter ſe ſunt vicinæ, omnino ſit inſenſibilis.

Quando corporis deſcenſus obſtaculo impeditur, pondere
22117. ſuo ſemper æqualiter obſtaculum premit, Terræ centrum
verſus tendens; poteſt ergo haberi pro potentia in obſtacu-
lum agenti, & quæ de potentiis in capite præcedenti ſunt
demonſtrata, hìc etiam locum habent.

Phænomenon 3.

Corpora quæ vi gravitatis deſcendunt, ſi omnis tollatur
33118. reſiſtentia, ſunt æque velocia.

Phænomenon hoc Experimento ſequenti patet.

Machina

Qua duo corpora eodem momento in vacuo dimittuntur.

Pneumaticam dicimus machinam illam, cujus ope aër
44119. ex vaſe extrahitur, de hac agemus in parte 32. lib. II. , hìc
55TAB. I@..
fig. 1. repræſentatur in N.

Ut magis commode experimentum, quod nunc explican-
dum eſt, inſtituatur, a pede ſuo tollitur machina pneuma-
tica, & depreſſo ſuſtentaculo SS ſuperimponitur.

Lamina ænea, cui vitra, ex quibus aër extrahitur, impo-
nuntur, eſt L.

Ad latera hujus duæ firmantur columnæ ligneæ AE, AE;
harum pedes infra tabulam Machinæ pneumaticæ ſuperiorem
penetrant, & transverſis lignis, ut t, firmantur.

Columnarum altitudo excedit pedes quinque; junguntur
hæ tabellis ligneis quatuor BB, CC, DD, EE. Diſtantia
inter L & BB eſt novem aut decem pollicum; BC, CD, DE,
ſingulæ æquales ſunt octodecim pollicibus.

Tabellæ hæ ligneæ latiores ſunt in medio, ut in ſingulis
apertura, aut foramen rotundum, detur, cujus diameter æ-
quat pollices quinque cum ſemiſſe.

Table of figures

Text layer

Text normalization

Search