T'WERCK. Men sal de ghecorte brantsne volmaken, daer an stellende 
110[Figure 110] t'ghebrekende ABG, daer naer salmen teekenen H, alsoo dat GH sy tot HE, als 3 tot 2: Insghelijcx I, alsoo dat GI sy tot IF, als 3 tot 2, daer naer K, alsoo dat IH sulcken reden hebbe tot IK, ghelijck de ghecorte brandtsne ABCD, tot de brantsne ABG; Ick seg dat K t'begheerde swaerheyts middelpunt is. T'BEWYS. I is swaerheyts middelpunt des heels, ende H des deels, ende ghelijck t'ander deel tot dit, alsoo HI tot IK, daerom K, duer het 9. voorstel, is t'begheerde swaerheyts middelpunt, t'welck wy bewysen moesten. T'BESLVYT. Wesende dan ghegheuen een ghecorte brantsne, wy hebben huer swaerheyts middelpunt gheuonden naer den eysch.
IX. VERTOOCH. XIIII. VOORSTEL.
YDER lichaems formens middelpunt, is oock sijn swaerheyts middelpunt.
T'GHEGHEVEN. Laet ABCD een viergrondich 111[Figure 111] wesen, diens formens middelpunt E sy, ende den as van A duer E, tot in F, middelpunt des driehoucx BCD, sy AF. T'BEGHEERDE. Wy moeten bewysen dat E oock is sijn swaerheyts middelpunt. T'BEWYS. Laet ons t'lichaem ophanghen byde lini AF, maer het viergrondich bestaet uyt vier euen ende ghelijcke naelden een selfder ghestalt, wiens ghemeene sop E, daerom AF is des lichaems swaerheyts middellini, ende om de selue reden sal de lini CE oock des swaerheyts middellini sijn: E dan is oock het swaerheyts