1kennelick is, wy hebben t'swaerheyts middelpunt des ander deels gheuonden, naer den eysch.
VIII EYSCH. XX VOORSTEL.
WESENDE ghegheuen een ghecorte naelde: Huer swaerheyts middelpunt te vinden.
Pyramis
T'GHEGHEVEN. Laet ABCDEF een ghecorte naelde sijn, diens
119[Figure 119] decksel ABC, ende grondt DEF. T'BEGHEERDE. Wy moeten huer swaerheyts middelpunt vinden. T'WERCK. Men sal de ghecorte naelde volmaken, daer an stellende het ghebrekende ABCG, vindende H swaerheyts middelpunt des driehoucx DEF, treckende den as GH, wiens punt inden driehouck ABC, sy I, daernaer salmen teeckenen K, alsoo dat GK drievoudich sy an KI: Insghelijcx L, also dat GL drievoudich sy an LH, teeckenende M, alsoo dat KL sulcken reden hebbe tot LM, ghelijck de ghecorte naelde ABCDEF, tot de naelde ABCG, Ick seg dat M t'begheerde swaerheyts middelpunt is.
T'BEWYS. L is swaerheyts middelpunt des heels, ende K des deels, ende ghelijck t'onderste deel tottet bouenste, also KL tot LM, Daerom M, door het 1. voorstel des 1. boucx is t'begheerde swaerheyts middelpunt, t'welck wy bewysen moesten. Sghelijcx sal oock den voortganck sijn in allen anderen ghecorte naelden. T'BESLVYT. Wesende dan ghegheuen een ghecorte naelde: Wy hebben huer swaerheyts middelpunt gheuonden, naer den eysch.
IX. EYSCH. XXI. VOORSTEL.
WESENDE ghegheuen een platgrondich lichaem soodanigher form alst valt: Sijn swaerheyts middelpunt te vinden.
T'GHEGHEVEN. Laet A een ongheschickt platgrondich lichaem sijn, dat is omvanghen in platten so veel alst sy. T'BEGHEERDE. Wy moeten sijn swaerheyts middelpunt vinden. T'WERCK. Men sal