Newton, Isaac, Philosophia naturalis principia mathematica, 1713

Table of figures

< >
[Figure 21]
[Figure 22]
[Figure 23]
[Figure 24]
[Figure 25]
[Figure 26]
[Figure 27]
[Figure 28]
[Figure 29]
[Figure 30]
[Figure 31]
[Figure 32]
[Figure 33]
[Figure 34]
[Figure 35]
[Figure 36]
[Figure 37]
[Figure 38]
[Figure 39]
[Figure 40]
[Figure 41]
[Figure 42]
[Figure 43]
[Figure 44]
[Figure 45]
[Figure 46]
[Figure 47]
[Figure 48]
[Figure 49]
[Figure 50]
< >
page |< < of 524 > >|
1
Summa rei huc tandem redìt: Cometarum ingens eſt numerus;
motus eorum ſunt ſumme regulares, & eaſdem leges cum Plane­
tarum motibus obſervant.
Moventur in Orbibus Conicis, hi or­
bes ſunt valde admodum eccentrici.
Feruntur undiQ.E.I. omnes
Cælorum partes, & Planetarum regiones liberrime pertranſeunt,
& ſæpe contra Signorum ordinem incedunt.
Hæc Phænomena
certiſſime confirmantur ex Obſervationibus Aſtronomicis: & per
Vortices nequeunt explicari: Imo, ne quidem cum Vorticibus
Planetarum conſiſtere poſſunt.
Cometarum motibus omnino lo­
cus non erit; niſi materia illa fictitia penitus e Cælis amo­
veatur.
Si enim Planetæ circum Solem a Vorticibus devehuntur; Vor­
ticum partes, quæ proxime ambiunt unumquemque Planetam, ejuſ­
dem denſitatis erunt ac Planeta; uti ſupra dictum eſt.
Itaque
materia illa omnis quæ contigua eſt Orbis magni perimetro, pa­
rem habebit ac Tellus denſitatem: quæ vero jacet intra Orbem
magnum atque Orbem Saturni, vel parem vel majorem habebit.

Nam ut conſtitutio Vorticis permanere poſſit, debent partes mi­
nus denſæ centrum occupare, magis denſæ longius a centro abire.

Cum enim Planetarum tempora periodica ſint in ratione ſeſqui­
plicata diſtantiarum a Sole, oportet partium Vorticis periodos
eandem rationem ſervare.
Inde vero ſequitur, vires centrifugas
harum partium fore reciproce ut quadrata diſtantiarum.
Quæ
igitur majore intervallo diſtant a centro, nituntur ab eodem re­
cedere minore vi: unde ſi minus denſæ fuerint, neceſſe eſt ut ce­
dant vi majori, qua partes centro propiores aſcendere conantur.

Aſcendent ergo denſiores, deſcendent minus denſæ, & loeorum
fiet invicem permutatio; donec ita fuerit diſpoſita atque ordinata
materia fluida totius Vorticis, ut conquieſcere jam poſſit in æqui­
librio conſtituta.
Si bina Fluida, quorum diverſa eſt denſitas,
in eodem vaſe continentur; utique futurum eſt ut Fluidum, cu­
jus major eſt denſitas, majore vi Gravitatis infimum petat locum:
& ratione non abſimili omnino dicendum eſt, denſiores Vorticis
partes majore vi centrifuga petere ſupremum locum.
Tota igi­
tur illa & multo maxima pars Vorticis, quæ jacet extra Telluris
orbem, denſitatem habebit atque adeo vim inertiæ pro mole ma­
teriæ, quæ non minor erit quam denſitas & vis inertiæ Telluris:
inde vero Cometis trajectis orietur ingens reſiſtentia, & valde ad­
modum ſenſibilis; ne dicam, quæ motum eorundem penitus ſiſtere
atque abſorbere poſſe merito videatur.
Conſtat autem ex motu Co-

Text layer

  • Dictionary
  • Places

Text normalization

  • Original
  • Regularized
  • Normalized

Search


  • Exact
  • All forms
  • Fulltext index
  • Morphological index