Guevara, Giovanni di, In Aristotelis mechanicas commentarii, 1627

List of thumbnails

< >
31
31
32
32
33
33
34
34
35
35
36
36
37
37
38
38
39
39
40
40
< >
page |< < of 303 > >|
1ex demonſtratis conſtare videantur magna ſaltem ex parte. Vnde
licet de rebus præſtantioribus agant ſecundum rationem obiecti
totalis, vt eſt corpus animale ſanabile; aut vegetatiuum germina­
bile; nullatenus tamen Mechanicam facultatem, quæ de familia­
rioribus omnimoda cum euidentia tractat, antecellere putabuntur.
Enim uero, vt Ariſtoteles adnotauit primo de partibus ani­
mal.
cap. 5. etiam nobis propiora, & natura familiariora ali­
quid cum rerum diuinarum ſtudio rependunt, atque compen­
ſant, modò cauſas perſpicere valeamus; cum in omnibus na­
turæ numen, & honeſtum, pulchrumque inſit ingenium.
Accedit, quod ſæpe vtilitas refunditur in dignitatem obie­
cti; vtilitas enim attenditur ex fine, ad quem ordinatur ſcien­
tia; qui profectò in ſcientijs practicis coincidit cum obiecto
formali.
Eadem namque ſanitas animalis, eſt finis medicinæ,
& ratio, ſub qua Medicina agit de ſuis ſubiectis.
Eademque
directio operationum intellectus, eſt finis Logicæ ſcientiæ, &
ratio ſub qua de ipſis operationibus agitur in illa.
Cum igi­
tur talis, ac tanta ſit vtilitas Mechanicæ ſcientiæ ad fines præ­
ſtantiſſimos admirabili cum artificio conſequendos, vt ad le­
uanda ingentia pondera, parua, & exigua virtute, ad commo­
ditates tam plurimas, vrbiumque ornatum tam varium: ad ſub­
miniſtrandas tot machinas, & inſtrumenta in bello, vt belli­
gerare potius Mechanica, quam armis ipſis, homines videan­
tur: ad aptius mouenda Nauigia; ingentes paruo momento
excitandas moles, immaniaque euertenda ædificia: ad aquas ar­
tificioſiſſimè ſublimandas, aeremque perpetuis follibus emitten­
dum; voces tàm varias effingendas, concentum æquabiliter
efformandum, motum quaſi animalem inſenſibilibus imper­
tiendum, & ſimilia; ingenue fatendum eſt nec eſſe artem,
quæ ſe Mechanicæ arti in dignitate valeat comparari, nec
eſſe ſcientiam practicam, quam ipſa ex certitudine, & euiden­
tia, qua procedit, & ex dignitate, ac præſtantia finis, non an­
tecellat; ita vt in quo ſuperatur ex parte ſubiecti nobilioris à
Medicina, vel Logica, compenſetur, aut vincatur ex parte
digniſſimi finis, & obiecti formalis, dum admirabili artificio
intendit ipſos naturæ fines Naturam emulando ſuperare.

Text layer

  • Dictionary
  • Places

Text normalization

  • Original
  • Regularized
  • Normalized

Search


  • Exact
  • All forms
  • Fulltext index
  • Morphological index