Newton, Isaac - Philosophia naturalis principia mathematica

1rum 29. hor.12. & min.44. augeri debent momentorum incre
menta in ratione temporis, id eſt, in ratione 1080853 ad 1000000.
Hoc pacto incrementum totum, quod erat pars (100/11915) momenti
mediocris, jam fiet ejuſdem pars (100/11023). Ideoque momentum
areæ in Quadratura Lunæ erit ad ejus momentum in Syzygia
ut 11023-50 ad 11023+50, ſeu 10973 ad 11073, & ad ejus
momentum, ubi Luna in alio quovis loco intermedio Pverſatur,
ut 10973 ad 10973+Pd,exiſtente videlicet TPæquali 100.

DE MUNDI
SYSTEMATE

Area igitur, quam Luna radio ad Terram ducto ſingulis tem
poris particulis æqualibus deſcribit, eſt quam proxime ut ſumma
numeri 219,46 & Sinus verſi duplicatæ diſtantiæ Lunæ a Quadra
tura proxima, in circulo cujus radius eſt unitas. Hæc ita ſe ha
bent ubi Variatio in Octantibus eſt magnitudinis mediocris. Sin
Variatio ibi major ſit vel minor, augeri debet vel minui Sinus ille
verſus in eadem ratione.

PROPOSITIO XXVII. PROBLEMA VIII.

Ex motu horario Lunæ invenire ipſius diſtantiam a Terra.

Area, quam Luna radio ad Terram ducto, ſingulis temporis
momentis, deſcribit, eſt ut motus horarius Lunæ & quadratum
diſtantiæ Lunæ a Terra conjunctim; & propterea diſtantia Lunæ
a Terra eſt in ratione compoſita ex ſubduplicata ratione Areæ di
recte & ſubduplicata ratione motus horarii inverſe. Q.E.I.

Corol.1. Hinc datur Lunæ diameter apparens: quippe quæ ſit
reciproce ut ipſius diſtantia a Terra. Tentent Aſtronomi quam
probe hæc Regula cum Phænomenis congruat.

Corol.2. Hinc etiam Orbis Lunaris accuratius ex Phænomenis
quam antehac definiri poteſt.

PROPOSITIO XXVIII. PROBLEMA IX.

Invenire diametros Orbis in quo Luna, abſque eccentricitate,
moveri deberet.

Curvatura Trajectoriæ, quam mobile, ſi ſecundum Trajectoriæ
illius perpendiculum trahatur, deſcribit, eſt ut attractio directe &
quadratum velocitatis inverſe, Curvaturas linearum pono eſſe in-

Table of figures

Text layer

Text normalization

Search