Musschenbroek, Petrus van - Physicae experimentales, et geometricae de magnete, tuborum capillarium vitreorumque speculorum attractione, magnitudine terrae, cohaerentia corporum firmorum dissertationes: ut et ephemerides meteorologicae ultraiectinae

Hanc Propoſitionem comprobat Experientia; nam parallelopi-
pedum Quercicum 0, 33 pollic. altum 0, 26 pollic. latum, geſtavit
ex longitudine 9 pollic. libras 5. verum aliud parallelopipedum 0, 33
poll. altum, 0, 52 poll. latum, geſtavit ex longitudine 9 pollic.
libras 10, a quibus tamen rumpebatur.

PROPOSITIO XXII.

Tab. XIX. Fig. 1. Si ſint duo parallelopipeda B A C, E A C ho-
rizontaliter parieti infixa, ex materia perfecte dura, ſintque ejus-
dem latitudinis E D, & ejusdem longitudinis A C, ſed diverſæ alti-
tudinis B A, E A, erunt potentiæ rumpentes applicatæ ad extre-
mum C, in ratione duplicatâ altitudinis A B ad A E.

Quia hæc parallelopipeda frangentur in orâ foraminum B A, E A
per potentiam in C, fit motus circa A, adeoque poſſunt B A, A C,
tum E A, A C conſiderari ut duo vectes incurvi, qoorum hypomo-
chlion eſt in A. eſt igitur ex natura vectis reſiſtentia in B contra
potentiam C, ad reſiſtentiam in E contra eandem potentiam C,
uti B A ad E A: ſumendo autem alia puncta in A B & A E, quæ
diſtant ab A, uti A B, ad A E, iis omnibus conveniet eadem demon-
ſtratio, quare vis omnium punctorum in A B, erit ad eam puncto-
rum in A E, uti eſt tota A B ad totam A E.

Sed quantitas partium ſolvendarum in A B eſt uti A B, quarum
reſiſtentia eſt ut earum numerus, hoc eſt, uti A B: Sic quantitas par-
tium ſolvendarum in A E, eſt uti A E, quarum reſiſtentia eſt uti
A E numerus partium: quamobrem tota reſiſtentia in A B eſt ad
totam reſiſtentiam in A E, in ratione compoſita ex A B ad A E,
conſiderando naturam vectis; & ex A B ad A E, conſiderando
quantitatem partium ſolvendarum; hoc eſt uti ABq ad AEq.
quare potentiæ frangentes in C, requiruntur, uti ABq ad
AEq

Table of contents

Text layer

Text normalization

Search