Musschenbroek, Petrus van, Physicae experimentales, et geometricae de magnete, tuborum capillarium vitreorumque speculorum attractione, magnitudine terrae, cohaerentia corporum firmorum dissertationes: ut et ephemerides meteorologicae ultraiectinae

Table of figures

< >
< >
page |< < (665) of 795 > >|
682665CORPORUM FIRMORUM. droſtatica, 1° preſſionem aquæ lateralem eſſe perpendiculari æqualem.
2°. aquam premere in ratione altitudinis. 3°. aquæ preſſionem in
tubos æque longos, ſed diverſarum diametrorum, eſſe uti periphe-
rias, hoc eſt, uti diametros tuborum.
Quibus ſi 4°. addamus, reſi-
ſtentiam metallorum eſſe in ratione duplicata craſſitierum ſuarum,
totum negotium facile deduci poteſt:
hoc autem ultimum an
plumbo conveniat explorare volui, cum Mariottus videatur in re-
gula prima, quam dedit, de eo dubitaſſe, etiamſi eam proportio-
nem admiſerit in materiis fragilibus, uti in ferro fuſo, aliiſque;
quam-
obrem cepi laminam plumbeam {9/200} poll.
craſſam {7/36} poll. latam, cu-
jus extremitates utrimque figebantur, ſupraſcandendo duo bacula,
a ſe 7 pollicibus remora, medio imponebatur cylindrus diametri {3/4}
pollicis, cui annectebatur Lanx cum ponderibus, quorum omnium
ſumma cum evaſerat = libris 10, + unc.
6. + drachm. 2. in
medio rumpebatur lamella:
Deinde ſumta fuit alia lamella plum-
bea, æque lata ac prior, eodem modo tenſa etiam, ſed cujus
craſſities erat {9/100} poll.
adeoque duplo craſſior priori erat, hæc ex
medio ſui ſuſtinuit pondus librar.
45. adeoque fuit firmitas hujus
laminæ in ratione duplicata craſſitiei, quam proportionem Ro-
merus etiam aſſumſit, atque ex his omnibus ſequentes exſurgunt
Regulæ.
Regula prima.
Si manente altitudine aquæ eadem mutanda eſt tuborum diame-
ter, ut firmitas maneat, ſumenda eſt craſſities metalli in ratione
ſubduplicata diametri.
Nam preſſio aquæ in latera tuborum æque altorum, ſed di-
verſæ diametri, eſt in diametrorum ratione, &
quia firmitates
metallorum ſunt in ratione duplicata craſſitierum, ſi fiant craſſi-
ties metallicæ in ratione ſubduplicata diametrorum, erunt firmita-
tes proportionales preſſionibus.

Text layer

  • Dictionary

Text normalization

  • Original

Search


  • Exact
  • All forms
  • Fulltext index
  • Morphological index