Mersenne, Marin; Galilei, Galileo - Qvestions physico-mathematiqves : et Les mechaniqves du sieur Galilee : avec Les Prelvdes de l' harmonie vniuerselle vtiles aux philosophes, aux medecins, aux astrologues, aux ingenieurs, & aux musiciens Les questions theologiques, physiques, morales, et mathematiques

7961& Mathematiques.

Sans doute cette ſituation de la Lu-
ne eſt la plus ſeure, pourueu que l’E-
ſtoile, dont on prendra la diſtãce, n’ayt
pas grande latitude; mais ſi elle ſurpaſ-
ſe 2. degrez, & que la diſtance de l’E-
ſtoile, & de la Lune ſoit moindre que
10. degrez, on peut commettre vn er-
reur de 15. minutes, que la Lune fait
en demie-heure; d où il arriue vn er-
reur de 7. degrez & demy en longitu-
de, quivallent 112 {1/2} lieuës d’Allemagne
ſouz l’Equinoctial. Or cét erreur peut
s’augmenter au double, ſi par exemple,
l’Eſtoile eſt en ſa latitude Meridiona-
le, & la Lune dans la Septentrionnale,
ou au contraire.

Il vaudroit donc mieux prendre la
diſtance de la Lune d’auec 2. Eſtoiles,
& par l’analyſe d’vn triangle ſpherique
trouuer ſon vray lieu. Or ſi l’on prend
la Lune hors du 90. degré du Zodia-
que, elle fera touſiours parallaxe en
longitude, & ſera pour lors treſ-diffici-
le de trouuer exactement ſon vray lieu,
comme il a eſté monſtré cy - deuant,
& neantmoins ſi l’on n’a ce vray lieu,
l’on deſeſpere de iamais pouuoir con-
noiſtre la vraye diſtance

Text layer

Text normalization

Search