Mersenne, Marin; Galilei, Galileo - Qvestions physico-mathematiqves : et Les mechaniqves du sieur Galilee : avec Les Prelvdes de l' harmonie vniuerselle vtiles aux philosophes, aux medecins, aux astrologues, aux ingenieurs, & aux musiciens Les questions theologiques, physiques, morales, et mathematiques

8769& Matbematiques. pouuoient comprendre ce Principe, &
s’ils en pounoient diſpoſer, comme de
la lumiere, qu’ils contraignenten for-
me de coue, ou de cylindre par le moyĕ
des glaces paraboliques, ſpheriques, &
hyperboliques, quoy qu’il ſoit peut-
eſtre auſſi difficile de ſçauoir la diſpoſi-
tion, & les qualitez que doit auoir vn
corps pour eſtre lumineux, & pour é-
clairer, que de connoiſtre la preparatiõ
& les diſpoſitions qui ſont requiſes
dans vn corps pour eſtre animé.

O quel contentement nous receurõs,
quand nous verrons toutes ccs difficul-
tez auſſi clairement que la lumiere du
Solcil, & que nous joüirons de ce que
nous eſperons icy, toutes & quantes-
fois que nous diſons, In lumine tuo vide-
bimus lumen.

Qvestion XIIII.

D´où vient que la plus grande partie des
bommes preferent l’argent, & le lucre
à la ſcience, & à l’bonneſteté.