Agricola, Georg, De re metallica Libri XII, Quibus Officia, Instrumenta, Machinae, ac omnia ..., 1556

Page concordance

< >
< >
page |< < of 599 > >|
decim: à quo primus, qui eſt ad flumen, diſtet pedibus quindecim, poſtre-
mus decem & nouem: uterque longus ſit pedes ſex & triginta, altus quatuor-
decim: ſed ex primi muri capite murus tranſuerſus pertineat ad caput poſtre-
mi muri: deinde poſt pedes quindecim ex eodem muro primò alter murus
tranſuerſus ductus ſit ad caput muri medij.
In hoc ſpacio, quod eſt inter du-
os iſtos muros tranſuerſos, collocentur pila, quibus uenæ & alia ad eas ex-
coquendas neceſſaria frangantur: à primi quoque muri poſteriore capite ter
tius murus tranſuerſus perductus ſit ad alterum caput muri medij, & ab eo-
dem ad caput muri poſtremi.
Spacium autem, quod eſt inter ſecundum &
tertium murum tranſuerſum, & inter poſtremum & medium murum lon-
gum, contineat ſecundam fornacem, in qua plumbum ſeparatur ab auro uel
argento, cuius camini paries rectus ſtatuatur ſuper medium murum, obliquus
ſuper trabem, quæ ex ſecundo muro tranſuerſo pertineat ad tertium: ea ita
locata ſit, ut pedibus tredecim diſtet à medio muro longo, quatuor à poſtre
mo: ipſa uerò craſſa & lata ſit pedes duos: à terra ſurſum uerſus ad trabem hanc
longam ſint pedes duodecim.
Quinetiam ne paries obliquus incidat in re-
ctum: caueatur partim crebris bacillis ferreis, partim raris tignis luto obdu-
ctis, quæ utraque è tignis parietis obliqui ad tigna recti pertineant.
Poſtremò
tectum eodem modo ſe habeat, quo tectum officinæ, in qua uenæ excoquun
tur: ſed in ſpacio, quod eſt inter medium & primum murum longum, & in-
ter primum & tertium murum tranſuerſum ſint folles, machina, quæ eos de
primit, organum, quod eoſdem diducit.
Vnum etiam tympanum, quod eſt
ad axem rotæ, habens fuſos moueat tympanum dentatum axis, cuius den-
tes longi follium tigilla deprimunt, & tympanum dentatum axis, cuius den
tes longi, pilorum dentes longos attollunt: ſed contrario modo: ut ſi dentes
deprimentes tigilla follium uoluantur à ſeptentrione ad meridiem: contrà
dentes longi attollentes pilorum dentes longos uerſentur à meridie in ſepten
trionem.
Verùm plumbum ab auro uel argento ſecernitur in hac ſecunda
fornace: cuius ſtructura conſtat ex ſaxis quadrangulis, ex duobus muris in-
terioribus, quorum alter alterum tranſuerſus ſecat, ex orbe, ex operculo.
Ipſe
uerò catinus conficitur ex puluere terreno & cinere: ſed primò de ſtructura
atque adeo de ſaxis quadrangulis dicam: ea ſint alta pedes quatuor, & palmos
tres, craſſa pedem: ab imo ſurſum uerſus ad pedes duos, & palmos tres, inte
riore & ſuprema parte ad palmum prorſus exciſa ſint, ut ſaxeus orbis in ipſis
iacere poſſit.
Solent autem plerunque eſſe numero quatuordecim: atque lata ex-
teriore parte pedem & palmum, interiore anguſtiora: quod interior circulus
multo ſit anguſtior exteriore.
Quod ſi latiora fuerint, minus multa eſſe ne-
ceſſe eſt: ſi anguſtiora, plura.
In terram fodiantur altitudine pedis & palmi:
ſuperius ſemper bina quæque proxima fibula ferrea connectantur: cuius cu-
ſpides in eorum foramina includantur, & in eadem plumbum liquidum in
fundatur: ſed ea ſtructura ſaxea habeat ſpiritalia foramina ſex à terra, ſurſum
uerſus ad pedem: atque ita ab ima ſaxorum parte ad pedes duos & palmum:
quorum quodque ſit inter bina ſaxa altum palmos duos, latum palmum & di-
gitos tres.
Vnum ſit à dextro latere inter murum, qui murum principalem ab
igni tuetur, & canaliculum, per quem ſpuma argenti ex fornacis catino effluit.

Text layer

  • Dictionary

Text normalization

  • Original

Search


  • Exact
  • All forms
  • Fulltext index
  • Morphological index