Agricola, Georg, De re metallica Libri XII, Quibus Officia, Instrumenta, Machinae, ac omnia ..., 1556

Page concordance

< >
< >
page |< < of 599 > >|
mina ſpiritalia, quæ ſuperius, ut dixi, eſſe debent, ad latera magni foraminis,
in quo ampulla collocatur, luto occludantur.
His autem omnibus rite factis
res in ampullam coniectæ uſque eò carbonibus ardentibus paulatim coquan-
tur, dum ipſæ uaporem exhalare cœperint, & ampulla ſudore manare uide
atur.
Sed cùm iam ea propter humorem ſublatum rubeſcit, & operculi na-
ris aqua ſtillat, ſummam operam dare oportet, ne una gutta cadat citius quam
quinque horologij momenta præterierint, ſeu potius tot ſoni, cùm eius tinti
nabulum pulſatur, auditi fuerint, tardius quàm decem: etenim ſi citius ceci-
derit, uitra rumpuntur: ſi tardius, ſuſceptum munus certo, definitoque tempo
re, hoc eſt quatuor & uiginti horarum ſpacio, non perficitur: quorum alte-
rum ne fiat carbones partim ferramento uulſellæ ſimili extrahantur: alterum
ut fieri poſſit, paruula & arida ligna querna carbonibus ſupraponantur: atque
res in ampullam coniectæ acriori igni coquantur: ſuperioribus etiam fora-
minibus ſpiritalibus, ſi res poſtulauerit, recluſis.
Quamprimum autem de-
ſtillauerint guttæ ampulla uitrea, quæ eas recipit, linteo aquis madefacto te
gatur, ut halitus ualentiſſimos, qui ſurſum feruntur, repercutiat: ſed cum re-
bus excoctis ampulla, in quam coniectæ fuerunt, humore albeſcit, acriori i-
gni coquatur, uſque dum omnes guttæ deſtillauerint: poſteaquam fornax re
frigerata fuerit, aqua coletur & infundatur in paruam uitream ampullam: atque
in eandem inijciatur dimidia argenti drachma: quod diſſolutum aquam tur
bidam efficit liquidam: quæ in ampullam, omnem reliquam aquam conti-
nentem, infundatur: & quamprimum feces in fundo reſederint, aquis effu-
ſis auferantur: aquæ uerò ad uſum reſeruentur.
Fornax A. Eius foramen rotundum B. Foramina ſpiritalia
C. Os fornacis D. Os ſpiritale ſub eo E. Catinus F.
Ampulla G. Operculum H. Eius naris I. Altera ampulla
K. Corbis in qua hæc, ne frangatur, collocari ſolet L.

Text layer

  • Dictionary

Text normalization

  • Original

Search


  • Exact
  • All forms
  • Fulltext index
  • Morphological index