Cardano, Geronimo, Offenbarung der Natur und natürlicher dingen auch mancherley subtiler würckungen

Page concordance

< >
Scan Original
451 cccxcv
452 cccxcvi
453 cccxcvij
454 cccxcviij
455 cccxcix
456 cccc
457 cccci
458 ccccij
459 cccciij
460 cccciiij
461 ccccv
462 ccccvi
463 ccccvii
464 ccccviij
465 ccccix
466 ccccx
467 ccccxi
468 ccccxij
469 ccccxiij
470 ccccxiiij
471 ccccxv
472 ccccxvi
473 ccccxvij
474 ccccxviij
475 ccccxix
476 ccccxx
477 ccccxxi
478 ccccxxij
479 ccccxxiij
480 ccccxxiiij
< >
page |< < (cccc) of 997 > >|
456ccccVon mancherlei wunderbaren daß darauß werden ſoll/ wañ deren vyl zůſamen kom̃en? Wann dz gůt ab-
nim̃et/ ſo wachſet die ſchuld/ die ſorgfeltigkeit/ angſt vñ not.
Wañ diſes zů
nim̃et/ iſt mehr arbeit/ gefahr/ ſchuldner/ alſo dz du auß einẽ vnglückhaffti
gen der aller vnglückhafftigeſt ſein wirſt.
vorab in diſem alter/ ſo nitt allein
ſchwecher dañ die anderen/ ſon{der} auch verachtet wirt.
Alſo wirſt du von ye-
derman verachtet/ dañ allein von denen nit/ ſo etwas von dir zů erwarten
haben/ o{der} dich förchten.
die dich förchtẽ/ die haſſen dich. die etwz zůerwartẽ
haben/ haſſen dich nit allein/ ſon{der} begeren ernſtlich deinen todt.
Wölche et
was beſſers ſeind/ oder dir nach verwant als die kinder/ deren vnderſthet
ein theil auch etwas.
Deßhalben wañ du menſchlicher ſachen ſubſtantz nach {der} vernunfft recht
bedenckeſt/ dieweil gar kein vollkom̃enheit darbey/ ſonder vyl angſt vnnd
not/ ſthet ſie gar in hoffnung vnd forcht.
Du darffſt auch nit denckẽ daß die
gewaltigen etwas glückſeliger dañ die anderen ſeyen/ dañ ſie haben auch dz
ſie küm̃ert.
Was haben ſie mehr wollüſt vnd freüd dañ ander leüth. So vyl
die ſpeyß belanget/ greyffet der koch vnd die bůben wan ſie zů ſtůlgangen/
mit vngeweſchenen henden alle ding an.
was haben ſie dann für ein luſt an
der ſpeyß?
Sy mögen mit frömbdẽ weyberen zů ſchaffen haben/ wiewol di-
ſe auch etwan wüſt ſeind?
es haben aber der Keyſer vnnd Künig in Franck-
reich die Frantzoſen bekom̃en.
was hat ſie jr reich geholffen. Es ſeind große
reichtumb vorhanden?
du biſt aber durch diſe von den erben verhaſſet/ es
ſeyen kinder/ verwandten/ ſchwäger/ o{der} durch das Teſtament geordnete/
oder der gemein ſeckel.
Dañ {der} ſun begert yetz deß vatters tod. Du meinſt du
wölleſt all dein gůt allein den kinderẽ verlaſſen.
diſes hat man kurtzlich wol
geſehen an dem Künig von Engelland/ wie es nit gůt/ wann man ein iun
gen ſun/ der nach vnder den vögten iſt/ zů einem Künig verlaßt.
Wiewol Künig Heinrich der vatter auch in dẽ gfälet/ weil er ſolte durch
11wie ſich ein
Künig halten
der ein iungẽ
ſun hinder im
laſſet.
ein geſatz verſehen haben/ dz keiner mehr dann ein jar im Regiment ſolte be
liben ſein/ auch nit zwen fründ/ oder auß einem geſchlecht/ alſo dz ſie zůmal
die höchſte ämpter trügen/ als namlich ſeind Fürſten/ die geheimſte Rhät/
hauptleüth über den ſchiffgezeüg/ ſeckelmeiſter/ deß Künigs kämerling/
vögt auff den ſchlöſſeren/ vnd in der hauptſtatt.
Nach hat er mehr gefälet/
daß er der verurtheileten kinder für ſeine geheimſtẽ Rhät gehabt.
dañ wañ
er diſe recht verurtheilet/ warumb hat er der ſchandtlichen leüthen kinder
alſo wöllen harfür ziehen?
wañ jnen aber vnbillich beſchehen/ ſolt er ſie ge-
förchtet haben/ damit ſie nit etwan die ſchmach ſo jnẽ begegnet/ rechẽ möch
ten.
Darumb hat er vylfaltigcklich gefälet. Laß aber ſein dz das diſer/ der
das Teſtament gemachet/ nit geirret/ ja dz man allen fleyß anwende/ möch
te aber auch nützlich ſein/ daß diſe ſubſtantz die vmbhar/ als in einem kreiß
lauffet/ lang beſthen möchte?
Wo ſeind ſo vyl herlicher Künig der Egyp-
tier/ Perſier/ Scythier/ Griechẽ/ vnd Römerẽ?
Wo iſt ein gſchlecht der al
ten/ ſo allein zwey tauſet jar geweret/ derẽnam doch allein nach vorhandẽ?
Was mag man dann hoffen oder wünſchen in diſem handel? Dieweil aber
zweytauſet jar gehen dem ewigẽ/ man bedencke das vergangẽ oder zůkünff-
tigkaum einen puncten zůuergleichen/ was ſolle man in ſollicher endrung
vnd vnſtandthafftigkeit für ein hoffnung/ ſicherheit oder wolluſt ſetzen?

wz mag auch in diſer kugel getreüw/ ſicher/ oder vyl minder beſtendig belei
bẽ?
darũb iſt es kein ſubſtãtz/ ſon{der} als ein ſchattẽ vñ ein traum deß ſchattẽ.

Text layer

  • Dictionary

Text normalization

  • Original

Search


  • Exact
  • All forms
  • Fulltext index
  • Morphological index