Borelli, Giovanni Alfonso, De motionibus naturalibus a gravitate pendentibus, 1670

Table of figures

< >
< >
page |< < of 579 > >|

ex aliorum Authorum principijs. Et primò ſi aquą
ſponte ſua aſcendit intra fiſtulæ cauitatem à vi parti-
cularum eius ſe mouentium, igitur aut grauitate om-
ninò carent, aut in tali caſu eam non exercent (quod
vltrò aliqui Authores concedunt) ſi inquam hoc ve-
rum eſt, impoſſibile eſſet vt aqua in fiſtula immiſſą
perpendiculariter erecta exerceret vllam vim com-
preſſiuam deorsùm, & ideò ſi fiſtula infernè prolon-
garetur, nullo pacto aqua ibidem deorsùm deſcende-
ret, quod tamen experientiæ refragatur, nam eadem
fiſtula cum aqua contenta in aere translata, & per-
pendiculariter ad horizontem erecta ſi inuerſo ſitu
diſponatur vt pars eius ſupina A fiat prona, aut ei alia
fiſtula infernè adnectatur, aqua in ea contenta celeri
motu deſcendit, ſi madida fuerit, quouſque prope
infimum orificium perducatur; igitur falſum eſt a-
quæ in fiſtula contentæ particulas grauitate priuari,
proindeque ſponte ſua intra fiſtulam aſcendere. Cum
verò aiunt cauſam prædicti aſcenſus aquæ penderę
ex eo quòd eius particulæ naturali inſtinctu feruntur
versùs fluidum aqueum, vel aquæ analogum conten-
tum in vitri internis poroſitatibus, nec à grauitate,
quam negant, impediri poſſunt: ſi hoc, inquam, ve-
rum eſſet, madefacta vniuerſa fiſtulæ interna cauita-
te, & poſtea exinanita, atque immerſo orificio infra
aquæ ſubiectæ libellam eleuari ſemper altiùs deberet
aqua vſque ad fiſtulæ ſupremum orificium, quod ta-
men eſt falſum, non ergo ſponte ſua aqua intra fiſtu-
lam eleuatur.

Text layer

  • Dictionary

Text normalization

  • Original

Search


  • Exact
  • All forms
  • Fulltext index
  • Morphological index
Impressum