Borelli, Giovanni Alfonso - De motionibus naturalibus a gravitate pendentibus

Borelli, Giovanni Alfonso, De motionibus naturalibus a gravitate pendentibus, 1670

tra Platonicam ſententiam afferuntur, quæ peruene-
re ad meam notitiam.

Cap. 4. poſi-
tiuam leui-
tatem noņ
dari.

Quòad primum Ariſtoteles inſectatur Democriti,
Platoniſque poſitionem, ſed more ſuo, non contrą

ſententias, at contra mera verba eorum argumenta-
tur, ſcilicèt quod terræ grauitas maior, quàm aeris
pendeat à copia triangulorum, quæ maior in terra,
quàm in aere exiſtit, aſſumitque prædicta triangula,
ac ſi eſſent ſuperficies planæ omninò indiuiſibiles,
quod patet falſum eſſe, cùm in Platonica poſitionę
atomi triangulares ſint corpora, non autem ſuperfi-
cies indiuiſibiles.

Phyſic.lib.4.
cap.2.

Præterea contra Democritum, ait, grandem aeris
maſſam, veluti eſſet ſphæra aerea habens diametrum
decem cubitorum, habere maiorem copiam, & abun-
dantiam pleni, & materiei, quàm exigua pila aquea
habens diametrum vnius digiti, & proindè pila ae-
rea grauior eſſe deberet, & deorſum deſcendere, &

è contrà aquea vt leuis ſursùm eleuari deberet. Hoc,
inquam, argumentum non afficit Democritum, qui
numquam tantam abſurditatem ſomniauit, numquam
enim conſiderauit plenum ſolitarium, ſed vnà cum
pleno ingentem vacui molem augmentatam in illą
grandi aerea pila, & ſemper maiori cum proportio-
ne, quàm ſe habeat plenum aeris ad plenum aquæ.
Quam exceptionem parùm ſincerè Ariſtoteles ſub ſi-
lentio inuoluit, quoniam exiſtente aere rariore, quam
ſit ipſa aqua, habebit pars vacua ad partem plenam̨
aeris maiorem proportionem, quàm habet pars va-

Text layer

Text normalization

Search