Borelli, Giovanni Alfonso, De motionibus naturalibus a gravitate pendentibus, 1670
page |< < of 579 > >|
1
ra ſuſpenſa, planè non agunt grauitate, quæ non ſur­
sùm, ſed deorsùm operari, & impellere valet; et ta­
men in ijs omnibus, quæ denſiora ſunt, aut copioſio­
ri ſubſtantia materiali donantur magis, & faciliùs
medij fluidi, & obſtaculorum impedimenta ſuperant.
Non igitur à grauitate, quatenùs talis eſt medij flui­
di reſiſtentia ſuperatur, ſed ab alia cauſalongè diuerſa.
Cap. 10. de
æquitempo­
ranea natu­
rali veloci­
tate grauium.
Sed ponamus à maiori vi motiua grauiorum cor­
porum magis, & faciliùs medij fluidi reſiſtentiam ſu­
perari, non indè ſequetur, magis grauia celeriorem̨
motum deſcenſus producere niſi ex accidenti, nam ſi
reuera efficiens cauſa velocitatis eſſet grauitas, ne­
ceſſariò effectus velocitatum proportionales eſſent
ſuis cauſis, ſcilicèt grauitatibus, vti Aduerſarius cum
Ariſtotele ſuſtinere tenetur. hoc autem falſum eſſę
manifeſtum eſt; nam duæ pilæ æquales vna aurea, al­
tera marmorea, quæ in fluidis craſſioribus feruntur
velocitatibus notabili exceſſu inter ſe differentibus,
in aere poſtea æquè veloces eſſe videntur. igitur illa
inſignis differentia velocitatum ab impedimento me­
dij fluidi craſſioris dependet non ab inæqualibus gra­
uitatibus, quæ æquè veloces in aere eſſe videntur.
Sed pro clariori huius rei euidentia ſupponamus
validum equum æquali velocitate currere, ac canis a­
liquis venaticus, ſubmergantur poſtea omninò am­
bo infra aquam, vel infra lutum, procùl dubio maior
vis, & robur equi minùs impediri poterit à denſitate
aquæ, vel luti, quàm canis exigua vis impediatur,
& propterea equus demerſus velociùs agitari, moue-

Text layer

  • Dictionary
  • Places

Text normalization

  • Original

Search


  • Exact
  • All forms
  • Fulltext index
  • Morphological index
Impressum