Borelli, Giovanni Alfonso - De motionibus naturalibus a gravitate pendentibus

Borelli, Giovanni Alfonso, De motionibus naturalibus a gravitate pendentibus, 1670

Cap. 12. dę
vacui neceſ
ſitate.

PROP. CCLIV.

In omnibus experimentis aduerſariorum oſtenditur violentèr
impelli fluidum ſursùm, & per accidens accurrere ad re
plendum vacuum.

ID quod diximus de aqua, verificari quoque in aere
ſatis ſuperque conſtat ex ſuperiùs dictis. Propte
rea quòd aer non minus, quàm aqua grauis eſt, & in
ſuamet regione pondus, & grauitatem exercet ſupra
fluida corpora ſubiecta; proindeque in aere non minùs
quàm in aqua libra, & ſipho exercentur, in quo æqui
librium effici poteſt; quare retracto embolo in ſyrin
ga aqua ſubiecta non attrahitur, neque ſugitur, neque
ipſa ſponte eleuatur aſſario adhærendo, ob vacui me
tum, ſed quia à maiori pondere colúmnæ aereæ infimo
fluido incumbentis eumque prementis, neceſſitate me
chanica, aqua intra ſyringam inſinuatur, & per accidens
contingit, vt aqua accurrere videatur ad replendum
ſpatium inane. Idemque prorsùs dicendum eſt de an
tlijs, ac machinis Cteſibianis, & de medicis cucurbi
tulis, vt cap. 6. ſatis ſuperque declarauimus.

Quòd verò tabellæ follium poſt compreſſionem ob
turato foramine difficile diſtrahantur, & ſic duę la
minę vitreę ſe tangentes, non inde ſequitur timor, &
ab ominium vacui, nam hoc contingit ex eo quòd gra
uitas aeris ambientis, premendo ſubiectam partem

Text layer

Text normalization

Search