Borelli, Giovanni Alfonso - De motionibus naturalibus a gravitate pendentibus

Borelli, Giovanni Alfonso, De motionibus naturalibus a gravitate pendentibus, 1670

None
Concordance
Figures
Thumbnails

List of thumbnails

< >

11	12
13	14
15	16
17	18
19	20

< >

impulſiua tendendi verſus ſcopulum, è contra, quia
videmus, quòd pila ferrea non poteſt à contactu ſoli
ſeiungi, ac diuelli niſi æqualis facultas, & energią
contraria adhibeatur, ſcilicet niſi apponatur pondus
in altera extremitate libræ, quod æquale ſit grauita-
ti prædictæ pilæ ferreę, ſicuti cùm homo robuſtus co-
lumnam aliquam impellit, non poteſt ab ea ſeiungi,
niſi adhibeatur vis motiua prorsùs æqualis ei, quam
homo exercet; hinc de ducemus pilam vim grauitatis,
& hominem vim muſculorum exercere.

Cap. 3. flui-
dum in ſuo
toto quie-
ſcens pon-
derat.

Porrò effectus producti ab illa ferrea pila à paui-
mento ſubnixa plures ſunt, ac varij, conſtringuntur
nempè pori ſubiecti corporis pilam ſuſtinentis, in-
flectitur paritèr idipſum contunditurque, & multo-
tiès diffringitur, ac diſſilit in particulas minimas,
igitur ſi huiuſmodi effectus ipſamet aqua operaretur,
abſque vlla hæſitatione aquam in ipſamet aqua gra-
uitare affirmaremus. Modò videmus, quòd aqua ad
ingentem altitudinem eleuata nedùm ſolum, ac fun-
dum vaſis inflectit, ſed ipſum multoties diffringit, &
hoc magis patet ſi fundum vaſis flexibile fuerit, ſi ve-
rò conſtringi, ac condenſari poterit, illud conſtrin-
git, atque ad minus ſpatium redigit, non ſecùs ac
homo robuſtus comprimeret, & ſlecteret corporą
flexibilia, ac cedentia, dum ea impelleret.

Text layer

Text normalization

Search