Borelli, Giovanni Alfonso - De motionibus naturalibus a gravitate pendentibus

Borelli, Giovanni Alfonso, De motionibus naturalibus a gravitate pendentibus, 1670

None
Concordance
Figures
Thumbnails

List of thumbnails

< >

171	172
173	174
175	176
177	178
179	180

< >

rauimus ligna, ampullas vitreas |, & veſicas aere ple-
nas per aquam aſcendentes, demonſtrauimuſque eas
non vi leuitatis, ſed ab extruſione medij fluidi ſursùm
impelli, ſic pariter ſi loco ligni, aut veſicę ponatur aer
in fundo hydrargyri, vel aquæ, olei, vel ſpiritus vini
non ſecùs, ac priùs factum eſt, oſtendemus aerem non ſpon-
te ſua aſcendere à vi leuitatis tranſlatum, ſed à preſ-
ſione grauioris medij fluidi violenter ſursùm impel-
lentis. licèt ergo negotium omninò confectum eſſę
videatur, vtile tamen erit idipſum confirmare ex æ-
quilibrio aeris cum cæteris fluidis.

4. de Cælo
cap. 4.

Cap. 5. de ae-
ris grauitate
æquilibrio,
ſtructura, &
vi elaterią
eius.

PROP. C.

Ex ſuſpenſione mercurij in inſtrumento Torricelliano
ſuadetur aerem, vt grauem, æquilibrium
efficere cum mercurio.

ET hac occaſione conſiderabimus pulcherrimum
profectò experimentum eorum, quæ hoc ſeculo
adinuenta ſunt, hydrargyri nempè eleuatio in fiſtula,
quam primus omnium animaduertit doctiſſimus Tor-
ricellius, eſtque experimentum huiuſmodi: Sit fiſtu-
la vitrea ABC perforata tantummodò in eius extre-
mitate C, in A verò clauſa, hæc verò hydrargyro
repleta vſque ad ſummitatem C pulpa indicis ſtrictè
claudatur, inuertaturque contrario ſitu, vt nimirùm
os eius C inferiùs reſpiciat; ſitque poſtea præparata
ſcutella DHE pariter hydrargyro plena demerga-
tur infimum orificium C fiſtulæ vnà cum digito occlu-

Text layer

Text normalization

Search