Schott, Gaspar, Mechanica hydraulico-pneumatica. Pars I. Mechanicae Hydraulico-pnevmaticae Theoriam continet. , 1657

List of thumbnails

< >
51
51 		52
52
53
53 		54
54
55
55 		56
56
57
57 		58
58
59
59 		60
60
< >
page |< < of 203 > >|
1planas ſuperficies coniuncta ſunt, vt vnum illorum elevatur, ſe­
qui etiam alterum, quantumvis grave, atque in aëre libero ve­
luti ſuſpenſum hærere.
Latera fol­
lium diauci
non poſſunt,
ore occluſe,
ob metum
vacus.
Tabulæ pla­
næ metu va­
cui divelli
non poſſunt.
Secundò, Si vas vitreum aquæ immergas atque impleas &

deinde intra aquam invertas, vt patens os deorſum vergat, tum
æqualiter ita inverſum eleves, & extrahere tentes; ſpectabis a­
quam illo incluſam ſurſum intra illud ſimul attolli; & ſi vas illud
ex parte iam extractum, & ex parte adhuc immerſum, manu ſu­
ſtineas, videbis etiam aquam incluſam in illo perſiſtere ſic eleva­
tam ſupra ambientis aquæ ſuperficiem æquilibratam, & ſuo et­
iam pondere manum ſuſtinentis aggravare. Cur hoc? Quia
non poteſt aër ſuccedere ad occupandum locum inter aquam
deſcendentem, & partes vaſis, quæ aquâ deſcendente deſere­
rentur. Idem continget in quolibet alio vaſe, ſed in vitreo et­
iam oculis patebit experimentum. Quòd ſi in fundo vaſis fora­
men aliquod ſit clauſum, vt poſſit aperiri; eo aperto, & aëre li­
berè ſubintrante, aqua intra vas ſuſpenſum deſcendet, & deſi­
net gravare manum.
Vas inver­
ſum difficul­
ter extrahi­
tur ex aqua
ob vacui
metum.
Vaſa ſubtus
pertuſa, ſu­
periùs occlu­
ſa, aquam
retinent va­
uí metu.
Tertiò, In vaſis ad irrigandos hortos paſſim adhiberi ſoli­
tis (cuiuſmodi proponimus infrà Claſs. 1. cap. 6. Mach 2, & Cri­
brum Veſtalium vocamus) licet fundum ipſorum ſit perforatum,
& multis foraminibus pervium, dum aquâ plena, æqualiter ele­
vantur in libero aëre, aqua non defluit, quàm diu digitus fora­
mini illorum ſupernè in collo patenti adpreſſus non permittit in­
greſſum aëri ad replendum locum, qui, ſi deflueret aqua, relin­
queretur inter ſuperiorem vaſis ſuperficiem, & defluentem a­
quam. Et in tali conſiſtentia permanente aquâ intra vas, tan­
tum gravat, & deorſum nititur aqua, quantum ſi fundo integro
& collo aperto, ſimul cum vaſe ſuſtineretur. Remoto verò di­
gito, & permiſſo ingreſſu aëri per ſuperius foramen, ſtatim de­
fluit aqua ex fundi foraminibus. Quòd ſi in medio defluxu ite­
rum appoſito digito foramen obſtruatur, pendet iterum aqua,
contra inclinacionem ſuæ gravitatis, tunc etiam manum gra­
vantis, nec defluit in apertum aërem.

Text layer

  • Dictionary
  • Places

Text normalization

  • Original

Search


  • Exact
  • All forms
  • Fulltext index
  • Morphological index
Impressum