Baptiſta ſiculus in auctoris perſona Ad lectorem
Ingenuum ſupereſſet opus nunc Dædale: ſi me
Legiſſes: ualidis uolitare per aera pennis
Vidiſſes teneri trepidantia brachia nati
Poſſet et Archimedes totum qua uerteret orbem
Inuenta gaudere baſi: curaque ſolutus
Siquis hyperboreos ardet diſcindere montes:
Aemulus aſſiduo ſuperet babylona labore:
Condat et excelſo pendentia culmina olympo
Velificatus athos narratur: iungere terras
Pontibus humana inſtruxit ſollertia: ſed te
non minus iſta iuuent uolumus quam pagina ſignat.
Pugnabit noſtra hæc armatos machina mutos
Cautius: hac poterit ſe ſe hoſtis ab hoſte tueri:
Terrigeniſque minus nocuiſſent tæla tonantis:
Fruſtra et trinacrii ſudaſſent brachia fabri:
Encheladus ſicula nec iam premeretur harena.
Quo priuata domus / quo regia tecta ſtruantur
Ordine: quo loca ſacra deum ornes: quoue prophana
Certus eris: quo rura colas: quam fertilis illinc
Surgat ager: læta ut capiant uix horrea meſſes:
Inde operum uitia emendes qua regula: quem ut
Quiſque modum rebus tandem proponat agendis:
Accedit poſt hæc romanæ gratia linguæ /
Si te forte iuuat / nulla palleſcere culpa
Eloquii: eloquium hic est: quodque imiteris habebis /
Et quæ nulla tibi ueterum monumenta dedere /
Hic noſces: lecture meas ſi uoluere carthas
Non pigeat: loculiſque tenax ſi parcere auaris
Dediſcas: largas ſi bibliopola ſonanti
Impleat ære manus.
Noſtros legiſſe labores
Non te poeniteat: celeri quos callidus arte
Impreſſor doctæ perſtrinxit robore dextræ .
FINIS
zoom in
zoom out
zoom area
full page
page width
set mark
remove mark
get reference
digilib