Cataneo, Girolamo - Hier. Cataneus de arte bellica, sive, de designandis ac construendis arcibus & propugnaculis, necnon & de iis oppugnandis, expugnandis ac propugnandis : de itinere exercitus, ac castrametatione, quando expediat manus cum hoste conserere

5140

Debemus autem diligenter conſiderare deſcriptio-
nem hanc fundamenti propugnaculi, quia ſecundùm
eam poterunt deſcribi propugnacula cum vna pla-
tea, cum duabus, cum tribus, & quouis alio modo pla-
cuerit, nec periculum erit quòd architectus opere fi-
nito ſentiat, ſed ſerò, ſe à propoſito ſcopo aberraſſe. Ha-
bita longitudine & latitudine fundamenti cum ſuo
ſcamno, maturè perpendetur, an ſolum aptum ſit ad
propugnaculum ſuſtinendum, ita vt nulla labes ob
fundamenti defectum conſequatur. Non abs re igi-
tur erit, de qualitate fundamentorum diſſerere. At
quoniam fundamenta jaciuntur aliàs in ſolo hujus ge-
neris, aliàs in alîus, diſtinguenda nobis primùm e-
runt: ac primò de vno genere dicemus, deinde de
aliis.

PRIMVS MODVS.

Si jaciendum nobis ſit fundamentum in loco ſic-
co, fodietur ſolum à quinque in ſex pedes, plus vel
minus, prout videbitur ſatis eſſe, explanando appri-
me fundum, ita tamen vt explanatio illa pauliſper
pendeat centrum verſus. Deinde, in planitie hujuſce
effoſſionis palatio fieri debet hoc modo. Primò ſume-
tur palus longior multo quàm par ſit, in h ócque palo
ſignabuntur pedes & digiti, ſicut in orgyia ſeu regula
menſoria: hoc facto adigetur fiſtucâ palus hic in fun-
dum ipſius planitiei, quantum adigi poterit, ex eoq́;
ita adacto dignoſcetur, quàm longi debeant eſſe pali,
qui ea menſura fient ad quam vſque potuit primus
terræ infigi. Lignum autem magis ad hanc rem & ad
alias noſtræ huic profeſſioni neceſſarias commodum,
erit quercus, alnus, caſtanea: verùm ex his alnus me-

Table of contents

Text layer

Text normalization

Search