1middelpunten M, N, sy houden dan haer eerste ghegheuen ghestalt door de 4. bepaling, daerom ABFE blijft oock noch in sijn eerste ghedaente.
Maer IKDE, sulcken reden te hebben tot IKCF, als den erm OR, tot den erm OQ, is vooren beprouft; Inder voughen dat tghene eerst betoocht was anden weegconstighen balck (dat is een lini) sulcx hebben wy hier verclaert an een lichamelicken. TBESLVYT. Wesende dan twee euestaltwichtighe swaerheden, de swaerste heeft sulcken reden tot de lichtste (van wat stof ofte form oock de lichamen sijn) als den langsten erm tot den cortsten, twelck wy bewysen moesten.
VERVOLGH.
VYT het verkeerde des voorgaenden voorstels volcht, dat hebbende de swaerste swaerheydt sulcken reden tot de lichtste, als den langsten erm tot den cortsten, dat die twee swaerheden euestaltwichtich sijn.
I. EYSCH. II. VOORSTEL.
I. VOORBEELT.
TGHEGHEVEN. Laet d'een swaerheyt A sijn weghende 3 , hanghende 
19[Figure 19] an C, d'ander B van 1 lb hanghende an D; ende CD si balck.
TBEGHEERDE Wy moeten haer hanthaef vinden. TWERCK. Men sal CD also deelen, dat haer meeste stick naest de swaerheydts middellini van de minste swaerheydt, sulcken reden hebbe tot het minste stick, ghelijck de meeste swaerheyt tot de minste, twelck sy in E, te weten dat ED sulcken reden hebbe tot EC, als 3 lb van A, tot 1 lb van B. Ick seg dat de hanghende door E, als EF, d'hanthaef is.
II. VOORBEELT.
TGHEGHEVEN. Laet d'een swaerheydt sijn den pilaer ABCD weghende 6 lb, ghedeelt als den pilaer int beghin des eersten voorstels; Ende an Q hanghe een ghewicht Y van 12 lb. TBEGHEERDE. Wy moeten d'handthaef vinden. TWERCK. De swaerheydts middellini des pilaers is IT, ende van tghewicht Y is BQ, ende TQ is balck,